Zamirə Hacıyeva ev dustaqlığına buraxıldı

Azərbaycana ekstradisiya məsələsi gündəmdə qalıb

Azərbaycan Beynəlxalq Bankının keçmiş sədri, hazırda məhkum olan Cahangir Hacıyevin həyat yoldaşı Zamirə Hacıyeva Londonda məhkəmənin qərarı ilə ev dustaqlığına buraxılıb.

“BBC” radiosunun verdiyi xəbərə əsasən, Z.Hacıyeva ev dustaqlığına girov müqabilində buraxılıb.

Girovun məbləği göstərilməsə də, məhkəmə barədə ilkin məlumatlarda girovun 500 min funt sterlinq təyin olunması deyilirdi.

Məlumatda bildirilir ki, Z.Hacıyevanın Azərbaycana ekstradisiya olunması məsələsi gündəmdədir.

Z.Hacıyeva Londonda noyabrın 6-da saxlanılıb. 

O, Britaniyada ilk dəfə tətbiq edilən “İzahedilməz Sərvət Sərəncamı” (UWO) çərçivəsində həbs olunub.

UWO, Britaniyada potensial çirkli pullara malik şübhəli korrupsioner xarici rəsmiləri hədəfləmək üçün yeni qanundur.

Milli Cinayət Agentliyinin təhqiqatçıları inanırlar ki, ingilis mülklərinə milyardlarla funt çirkli pul qoyulur, lakin sübutların olmaması səbəbilə həmin əmlak sahiblərini cinayətlə ittiham etmək və ya aktivləri təqib etmək demək olar ki, mümkünsüzdür.

Yeni "İzahedilməz Sərvət Sərəncamı" onları zənginliklərini açıqlamağa məcbur etmək cəhdidir.

Əgər bir şübhəli xarici rəsmi və ya ailələri, sərvətlərinin qanuni mənbəyini göstərə bilmirsə, Milli Cinayətkarlıq Agentliyi onların mülkünü ələ keçirmək üçün Ali Məhkəməyə müraciət edə bilər.

Noyabrın 3-də isə Böyük Britaniyanın ilk Makmafiya tərzli araşdırması nəticəsində Zamirə Hacıyevanın 400 funt dəyərindəki zinət əşyalarına həbs qoyulub.

While you are here …

We have a small favor to ask of you. In an environment where information is under tight government control, Meydan TV works hard to ensure that people have access to quality independent journalism. We shed light on stories you might otherwise not read because we believe that those who cannot speak up deserve to be heard, and those in power need to be held accountable. We invest considerable time, effort and resources to do so, which is why we need your help.

Your support empowers our courageous journalists, many of whom work at great personal risk to freedom and safety. Every contribution to the protection of independent journalism in Azerbaijan matters. Thank you.

SUPPORT US
Featured in:  
Shortlink:   http://mtv.re/eur0qw

Most Viewed