Mənbə: Meydan.TV

Son illərin ən yüksək maaş artımı: devalvasiya, seçki hazırlığı, yoxsa...

Son illərin ən yüksək maaş artımı: devalvasiya, seçki hazırlığı, yoxsa...

Son illərin ən böyük maaş artımı baş verib. Həm də bir ildə ikinci dəfə. “İldə bir dəfə maaş artırıla bilər. Ötən il heç nə etməmişdilər. Bu il də ola bilər onu kompensasiya ediblər,”-iqtisadçı Toğrul Maşallı deyir. Dövlət başçısı İlham Əliyevin iyunun 18-də imzaladığı fərmanla Azərbaycanda minimum əməkhaqqı 180 manatdan 250 manata qaldırılıb. Digər sərəncamlar ilə müəllimlərin təqribən 20, polislərin, hərbi qulluqçuların və dövlətin başqa bir çox qurumlarında çalışan insanların da əməkhaqqları 40 faiz artırılıb. “Bu sərəncamlara baxdıqda görürük ki, əsasən, dövlət müəssisələrində çalışan texniki işçilərin maaşları qaldırılıb. Onların maaşları uzun müddətdir ki, artmırdı.

Bundan başqa, ən çox artım Mərkəzi Seçki Komissiyasının işçilərinin maaşında baş verib – 50 faiz. Ən az artım isə müəllimlərdə olub”- iqtisadçı Toğrul Maşallı danışır. Əmək haqlarının artırılması sosial şəbəkə istifadəçilər arasında müzakirələrə səbəb olub. Səsləndirilən fikirlər arasında növbədənkənar parlament seçkilərinin keçirilə biləcəyi, növbəti devalvasiya dalğasının yaranacağı, qiymətlərin kəskin artacağı yer alıb. “İlham Əliyevin dünənki fərmanından əvvəl Ermənistanın minimal əmək haqqı Azərbaycandan çox idi.

Bir gün ərzində, bir fərmanla bu vəziyyət dəyişdirildi. Bu, normal deyil, süni dəyişiklikdir. İnsanların güzəranına müvəqqəti olaraq müsbət təsir göstərsə də, bunun fəsadları da olacaq. İnflyasiya, devalvasiya baş verəcək”-ReAl Partiyasının Məclis başqanı Azər Qasımlı deyir. İqtisadçı Toğrul Maşallı isə hesab edir ki, əmək haqqının 40 faiz artırılması əhalinin qiymət artımını daha az hiss etməsinə səbəb olacaq. Minimum əmək haqqının 250 manata qədər artırılması azgəlirli əhali üçün nə deməkdir? Artan 70 manat hansı ehtiyaclarına çatar, hansına yox? -“Qaz baha, işıq baha, qiymətlər od tutub yanır. Bu, nəyi dəyişəcək ki?! Heç nəyi”; -“70 manat da puldur da. Buna da şükür. Artmasa idi, nə edəcəkdik?” Sərəncama əsasən, maaş artımı sentyabrın 1-dən baş tutacaq.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/0c8jsy

Ən çox baxılan