Milli Məclis

Mənbə: meydan tv

Başlıq: Milli Məclis

Milli Məclis tətilə çıxdı

Spiker 7424 manat, deputatlar 5568 manat istirahət pulu alacaq

Milli Məclisin növbədənkənar sessiyasının sonuncu plenar iclası keçirlib. Gündəlikdə olan məsələlərin təsdiqlənməsindən sonra iclas Azərbaycanın dövlət himninin səsləndirilməsi ilə başa çatıb.

Parlamentin yaz sessiyası fevralın 1-də başlayıb və mayın 31-dək davam edib. İyun-iyul aylarında qanunverici orqanın növbədənkənar sessiyası çağırılıb. Növbədənkənar sessiya çərçivəsində 5 plenar iclas keçirilib. Parlamentin üzvləri tətilə çıxıb və onlar iyulun 15-dən avqust ayının 30-dək istirahətdə olacaqlar.

“Azərbaycan Respublikası Milli Məclisi deputatının statusu haqqında” qanuna əsasən, deputatlara məzuniyyətdə olduqları zaman müalicə olunmaları və istirahət etmələri üçün iki aylıq vəzifə maaşı məbləğində müavinət ödəniləcək.

Parlament üzvlərinin aylıq maaşları isə aşağıdakı kimdir: Milli Məclisin sədri Oqtay Əsədov - 3 min 712 manat 50 qəpik, Milli Məclis sədrinin I müavini Ziyafət Əsgərov - 3 min 340 manat 50 qəpik, Milli Məclis sədrinin müavinləri Bahar Muradova və Valeh Ələsgərov - 3 min 154 manat 50 qəpik. Milli Məclisin komitə sədrləri 2 min 970 manat, komitə sədrlərinin müavinləri 2 min 784 manat, sıravi deputatların maaşı isə 2 min 598 manatdır.

Bundan başqa, Milli Məclisin sədrinə, onun birinci müavininə və müavinlərinə, Milli Məclisin komitə sədrlərinə və deputatlara deputatlıq səlahiyyətlərinin yerinə yetirilməsi ilə əlaqədar xərclərin ödənilməsi üçün vəzifə maaşlarının 50 faizi məbləğində vergilərdən azad olunan aylıq pul təminatı da verilir. Qanunvericiliyə əsasən, deputat nümayəndəlik səlahiyyətlərini yerinə yetirməsinə görə hər il özünün 2 aylıq vəzifə maaşı məbləğində müavinət alır. 2019-cu ildən parlament üzvlərinin xarici və daxili səfər xərcləri ilə bağlı onlara ödənilən məbləğlər də artırılıb.

Azərbaycanda hazırda minimum əməkhaqqı 180 manatdır və sentyabrın 1-dən 250 manata qaldırıması nəzərdə tutulub.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/f0sdbe

Ən çox baxılan