İran İslam Respublikası və Böyük Britaniya bayraqları

Mənbə: google.az

Başlıq: İran İslam Respublikası və Böyük Britaniya bayraqları

İran Britaniyanı neft tankerini buraxmağa çağırıb

Tehran tanker azad edilmədiyi təqdirdə qarşılıq olaraq bir ingilis gəmisini ələ keçirəcəyini deyir

İran Britaniyanı keçən həftə ələ keçirdiyi neft tankerini dərhal buraxmağa çağırıb, - Azadlıq Radiosu xəbər verir.

"Bu, təhlükəli oyundur və pis nəticələrə gətirib çıxara bilər ... tutmaq üçün səsləndirilmiş qanuni bəhanələr etibarlı deyil ... tankerin buraxılması bütün ölkələrin maraqlarına xidmət edir," - İran Xarici İşlər Nazirliyinin sözcüsü Abbas Musəvi iyulun 12-də belə deyib.

Dövlət xəbər agentliyi IRNA-nın məlumatına görə, Musəvi həmçini deyib: "Xarici güclər bölgəni tərk etməlidir, çünkü İran və digər regional iştirakçılar regional təhlükəsizliyi təmin etmək iqtidarındadır".

İngiltərənin xarici işlər naziri Ceremi Hant (Jeremy Hunt) deyib ki, İngiltərə İranla qarşıdurma istəmir.

"Biz İrana açıq şəkildə bildirdik ki, vəziyyətin gərginləşməsini istəmirik".

Nazirliyin açıqlamaları Britaniya Krallığının Cəbəllütariq sahillərində İran tankeri olan “Grace 1”-i ələ keçirdikdən bir həftə sonraya təsadüf edir. Krallıq tankerin sanksiyalara məhəl qoymayaraq Suriyaya neft apardığını iddia edib.

Tehran tanker azad edilmədiyi təqdirdə qarşılıqlı tədbirlər alacağı xəbərdarlığını edib və deyib ki, qarşılıq olaraq bir ingilis gəmisini ələ keçirəcək.

Britaniya iyulun 11-də bildirib ki, üç İran gəmisi Fars körfəzi ilə Ərəb dənizini birləşdirən Hörmüz boğazında britaniyalı bir neft tankerinə "maneə yaratmağa cəhd edib," lakin Britaniya savaş gəmisi ilə qarşılaşdığı üçün geri çəkilib.

İran Britaniya tankerini dayandırmağa cəhd etdiyini qəbul etməyib.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/uhbtrk

Ən çox baxılan