Azərbaycanlı kapitanın batan gəmisinin Ukraynadan qeyri-qanuni kömür daşıdığı bildirilir

''Gəmi işğal olunan ərazilərdən qeyri-qanuni olaraq kömür daşıyıb''

Qara dənizdə Türkiyə sahilləri yaxınlığında yanvarın 7-də batan yük gəmisinin Ukraynanın münaqişə bölgəsindən qeyri-qanuni olaraq kömür daşıdığı bildirilir.

Jurnalist təhqiqatları mərkəzinin Ukraynanın işqal olunmuş ərazilər üzrə nazirliyinə istinadən verdiyi xəbərə əsasən, Panama bayrağı altında üzən gəmi işğal olunan Krımın limanlarına daxil olub. 

Nazirlik yük gəmisinin qeyri-qanuni olaraq Donetsk və Luqansk vilayətlərindən kömür daşıdığını bildirib.

“Gəmi Rusiyanın Azov limanından Türkiyənin Samsun limanına kömür daşıyırdı. Rusiyanın Rostov vilayəntində olan bu liman işğal olunan Donbasdan Türkiyə və digər ölkələrə qeyri-qanuni olaraq kömür daşınması üçün istifadə edilir”.

Batan gəminin kapitanı və kapitan köməkçisinin azərbaycanlı olduqları bildirilir.

Gəminin ümumilikdə 13 ekipaj üzvü olub. Onlardan 6-ı ölüb, 7 nəfəri isə xilas etmək mümkün olub. Kapitanının baş köməkçisi İbrahimov Məmmədəli Surxay oğlunun meyiti sudan çıxarılıb. Gəmi kapitanı İsmayılov Turbat Kamil oğlunun axtarışları isə davam etdirilir.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/nba9fu

Ən çox baxılan